Contaminación: Morte de peixes no Eume

A morte de peixes no Eume, responsabilizando da acidez ás obras da autovía Ferrol-Vilalba, non convencen a distintos grupos ecoloxístas nin aos colectivos de pescadores. Certo que as augas ácidas da autovía chegan ao Eume através do Chamoselo, pero a mortandade de peixes prodúxose 34 kilómetros río abaixo. Quizás axa que considerar o outro pico de acidez no Eume á saída do encoro da Capela, a só 10 kilómetros do couto de Ombre, lugar do desastre. Este foco podería ter orixe na presunta limpeza dos fondos do encoro que explota Endesa. Os grupos ecoloxístas e os colectivos de pescadores queren saber se Augas de Galiza autorizou a Endesa operacións de valeirado de lamas no encoro e pídenlle que non descarte a posíbel relación coa acidez do Eume e que investigue as práticas de Endesa na presa da Capela.

Recentes medicións no río confirman que na zona do desastre o pH pasa de 7,0 -relativamente normal- a 5,1 -100 veces máis ácido- nun treito de apenas 5km, e que este "choque ácido" é o responsábel da morte dos peixes. Porén, as causas da acidez habería que buscalas río arriba e é precisamente á saída do encoro da Capela onde se rexistran valores de pH máis ácidos. No hay que descartar esta posibilidade e atribuíu ás obras da autovía Ferrol-Vilalba, máis de 30 km augas arriba, a fonte da acidez. Recoñecendo (como denunciaron xa os ecologistas e os colectivos de pescadores) que o río Chamoselo inxecta augas con extrema acidez no Eume (pH=3,1), este foco vaise diluindo río abaixo até chegar o encoro (pH=5,2). Augas abaixo da central e coincidindo coa saída das augas turbinadas, hai outro importante foco de acidez que hay que ter en conta. Este foco, a tan só 10 km río arriba do lugar do desastre, podería relacionarse con operacións de valeirado de lamas e sedimentos do fondo do vaso, para aumentar a capacidade do encoro. Pódese observar que na mesma saída do encoro, as paredes do azude aparecen cheas de limos e os fondos do río están moi colmatados de sedimentos case até a desembocadura.